პროგრამის მიზანი:

• ბიოწარმოების მხარდაჭერა
• ბიოპროდუქტების წარმოების ზრდა

პროგრამის მოკლე აღწერა:

პროგრამა ითვალისწინებს მეწარმეთათვის არაბიომეურნეობიდან ბიომეურნეობაზე გადასვლისას გაწეული ხარჯის ანაზღაურებას.

საკონსულტაციო მომსახურებისთვის ან/და თაფლისა და ცვილის ლაბორატორიული ანალიზისთვის -  ხარჯის არაუმეტეს 70%, 7,000 ლარის მოცულობით. თუ თანამონაწილეობის წყარო დონორი ორგანიზაციაა, ანაზღაურება შეადგენს არაუმეტეს 40%-ს, 4,000 ლარის მოცულობით. 

მხოლოდ მევენახეობის შემთხვევაში, ორგანულ მეურნეობაში დაშვებული ორგანული სასუქების ან/და მავნებლებისა და დაავადებების წინააღმდეგ გამოსაყენებელი, ბიოპრეპარატების შეძენის ხარჯის 1 ჰა-ზე გადაანგარიშებით არაუმეტეს 70%, 5,100 ლარის ოდენობით. თუ თანამონაწილეობის წყარო დონორი ორგანიზაციაა – ანაზღაურება შეადგენს არაუმეტეს 40%, 2,900 ლარის მოცულობით.

მხოლოდ საფუტკრე მეურნეობის შემთხვევაში, ბიოპრეპარატებისთვის და ბიოფიჭის შესაძენად გაწეული ხარჯის არაუმეტეს 70%, მაგრამ  ერთ სკაზე არაუმეტეს 50 ლარისა  და ჯამურად არაუმეტეს 5,100 ლარის ოდენობით. თუ თანამონაწილეობის წყარო დონორი ორგანიზაციაა - არაუმეტეს 40%, მაგრამ  ერთ სკაზე არაუმეტეს 25 ლარისა და ჯამურად არაუმეტეს 2,900 ლარის ოდენობით.

პროგრამის სამიზნე ჯგუფი და გეოგრაფიული არეალი:

 საქართველოს მთელი ტერიტორია 

ბიოწარმოების დაწყებით დაინტერესებული ან/და კონვერსიის პერიოდში მყოფი იურიდიული ან ფიზიკური პირი;

პროგრამის სამიზნე ეკონომიკური საქმიანობები:

პროგრამა ითვალისწინებს, კონვერსიის პერიოდში გაწეული შემდეგი მიზნობრიობების ანაზღაურებას: 

• ბიოწარმოების სერტიფიცირება;
• საკონსულტაციო მომსახურება; 
• ორგანულ მეურნეობაში დაშვებული ორგანული სასუქების ან/და მავნებლებისა და დაავადებების წინააღმდეგ გამოსაყენებელი ბიოპრეპარატების შეძენა;
• ფუტკრის სამკურნალო ბიოპრეპარატების და ბიოფიჭის შეძენა;
• თაფლისა და ცვილის ლაბორატორიული ანალიზის მომსახურება. 

პროგრამაში მონაწილეობის კრიტერიუმები:

• პოტენციური ბენეფიციარი დაინტერესებული უნდა იყოს ბიოწარმოების დაწყებით ან/და იმყოფებოდეს კონვერსიის პერიოდში; 
• პოტენციური ბენეფიციარის მიერ წარდგენილი განაცხადი უნდა შეესაბამებოდეს პროგრამით განსაზღვრულ მიზნობრიობას ან/და მიზნობრიობებს.
• პოტენციური ბენეფიციარი რეგისტრირებული უნდა იყოს სააგენტოს მიერ წარმოებული ფერმათა/ფერმერთა რეგისტრაციის პროექტის მიერ წარმოებულ რეესტრში.

პროგრამის განხორციელების ვადები:

მიმდინარე

მიმაგრებული ფაილები:

პროგრამაში ჩართვის/აპლიკაციის პროცესი: